ابوذیّات تدلیک القاهرات
الیدور الفتن عالشجعان ینصاب
او یحوف اهل الوفا بالختل ینصاب
حسافه الزین بید النذل ینصاب
تصیبه ابغدر اید الجاهلیّه
...
چنت زیبگ سلت لجلک ونچلک
و انا ابگلبک و انا ابذوقک ونچلک
انکرت من شوگی احرمنّک و نچلک
او تضل مثل النفس تترجّه بیّه
...
مری او من عینی طلعیتک وخلفاک
ابامامک ما شفت راحه وخلفاک
ابعذابی اسنین جاورتک و خلفاک
فرح ما شفت منّک بس اذیّه
...
ابو اطباع النحیسه اخباث یرهم
او گلبی اویاک ما یرتهم یرهم
الکریم اویه البخیل اشلون یرهم
البخل مثله لبو اطباع الردیّه
...
الحب ما ینتمی الفیئه ولک جوز
مثل باقی البشر تفرد ولک جوز
من اطباع الرده انهیتک ولک جوز
تلج و اتگوم تتعیّل علیّه
...
اشتبک همّی او عذابی ابحرب من دای
او لهمت الحنضل اویه الصبر من دای
اطیب النّاس و ان اشتکی من دای
الیطیب اجروحی بس رب البریّه
...
عرفتک خاتل ابذنبک وشر بیک
او غسلتک نشّفّت حقدک وشر بیک
بعد ما بیّه اجرعنّک وشر بیک
بخیل او ردی و اعیونک جویّه
...
الصبر لمّیته لهمومی وقلبای
او تأثّر من دمه اجروحی وقلبای
حرام افدیلک ابروحی و قلبای
ابغلات النّاس ما تسوا وجیّه
...
الوکت قدّر لی اثمّن لک وحن بیک
او حضرتک والمس اچفوفک وحن بیک
اجرّک و اشتم ابعطرک وحن بیک
الاسف و اشما اقدرک تجفی بیّه
...
العتب و اللوم ازیلنّه و اسکره
الاودّه ابذوقی اطعمنّه وسکره
ابهم و ابعوز اجربنّه و سکره
و اشوفه ایحبنی لو یلعب علیّه
...
دوم الدهر معرس شلهمیته
او روحی اتون فدیتک شلهمیته
الگلب حبّک شجالک شلهمیته
ابّناک انسه السده و الصار بیّه
...
یگول الیدری یدری ودّریته
الما یدری عدسته ودّریته
گضبته او فرهداهه ودّریته
لچن مو هیچ لا عکس القضیّه
...
الزلم دارت علی و الگلب ماطاب
او علی البیهم رده للابد ماطاب
الجرح منهم غمیج او یدث ماطاب
المسّبه اتدوم جرحی ایطیب الیّه
...
الهوی دایم وراه نهته وراضیک
تون زی الگمر تفتر وراضیک
بعد بس لا تراضینی وراضیک
انگطع حبل الوصل لا تمر بیّه
...
ابناهه احبابی اون و انت دوالی
او تحسّب بالگلب بعدک دوالی
اتحمّل هجرک امخنفس دوالی
الف مثلک اجد تتفدّه بیّه
...
کرهتک قبل لا اودّعّک وسلاک
او وجهک چنّه جانی ابخطر وسلاک
شعر راسک شبیه الوبر واسلاک
علی احدود الغرب ینحط حمیّه
...
ردت راحه ابحیاتی اکتفی بالهاک
او فدیتک روحی والدلال بالهاک
طفل و ابحبّی ترضع فرح بالهاک
شجاک اشورّطک و اتعض بدیّه
...
امخنفس ما تشخص الشمس بالفای
اشمعلمک امّی ما تنجرش بالفای
الیطّب بالشوگ مثل القرش بالفای
یهز البحر باذنابه القویّه
...
جاسم ثعلبی (الحسّانی) 08/03/1400
:: برچسب‌ها:
ابوذیّات تدلیک القاهرات ,
:: بازدید از این مطلب : 1432
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
